ചില മത്സരങ്ങൾ തോല്ക്കാൻ ഉള്ളതാണ്.
പട വെട്ടി വെട്ടി ദിശ മുറിഞ്ഞ് വെറുക്കപ്പെട്ടവൻ ആകും ചിലപ്പോൾ.
തോൽവിയുടെ മദ്യക്കുപ്പികളിൽ ഈച്ചകൾ നൃത്തം ചെയ്യും.
വെളിച്ചത്തിന്റെ നേർത്ത സൂര്യ രേഖകളെ ഇരുട്ടിന്റെ വെള്ളപ്പൊക്കം ഒലിപ്പിച്ചു കളയും.


ജയിച്ചവന്റെ വിയർപ്പ്തുള്ളികൾ തോറ്റവന്റെ രണ്ടു തുള്ളി ശ്ലേഷ്മ ദ്രവത്തിൽ മങ്ങും.
ഊതിപ്പെരുപ്പിച്ച കുമിളകൾ ഒടുവിലായവന്റെ ആത്മരതിയിൽ ഖനനം ചെയ്യുന്ന സ്ഖലന സ്വപ്നങ്ങളിൽ ചിതറി തെറിക്കും.
ആയിരം തൊണ്ട കുഴികളിൽ വിളയിചെടുക്കുന്ന ജയത്തിന്റെ വിപ്ലവം ഒഴിഞ്ഞ്പോയവന്റെ ശ്വാസത്തിൽ അലിഞ്ഞു പോകും.

ചില മത്സരങ്ങൾ ജയിക്കാൻ ഉള്ളതല്ല.

ചില നോട്ടങ്ങൾ തിരിച്ച് അറിയാനുള്ളതും.

ചില ചോദ്യങ്ങള്‍.

തിരയോട്-
 "തിരഞ്ഞിട്ടും തിരഞ്ഞിട്ടും കിട്ടാത്ത എന്ത് സ്വപ്നമാണ് നീ കരയ്ക്കുള്ളിൽ ഒളിപ്പിച്ച് വെയ്ക്കുന്നത് ??"

ഭൂമിയോട്-
" എറിഞ്ഞിട്ടും എറിഞ്ഞിട്ടും കുത്തി കുതിച്ചിട്ടും നീ എന്തിനാണ് എന്നെ നിന്നിലേക്ക്‌ തന്നെ വലിയ്ക്കുന്നത് ?"

മരത്തിനോട്-
" മഴ നരച്ചിട്ടും പുഴ മെലിഞ്ഞിട്ടും നീ എന്തിനാണ് പെയ്തു കൊണ്ടേ ഇരിക്കുന്നത് ?"

കണ്ണാടിയോട് -
" നിന്നിൽ തട്ടി തെറിക്കുന്ന എന്നെ അത്രയ്ക്ക് ഇഷ്ടമായിട്ടാണോ എന്നെ കാണുമ്പോൾ നീ തിരിഞ്ഞു നടക്കാത്തത് ?"

ക്ലോക്കിനോട് -
" ഓടിയിട്ടും ഓടിയിട്ടും എന്തേ ഒന്നിനും നിനക്ക് സമയമില്ലാതായത് ?

"പുഴയോട്-
" മഴയുടെ കുഞ്ഞുങ്ങളെ ആഴത്തിൽ ഒളിപ്പിച്ച്ചിട്ടും നീ എന്തിനാണ് കടലിനു അവയെ ഒറ്റുന്നത്?"

കളങ്ക കാമനകളുടെ ശരീര ഭൂപടം
വെളിച്ചത്തിന്‍റെ ദൈവ കണങ്ങളില്‍
സമം ചേരുമ്പോള്‍ ജനിക്കുന്ന
കറുത്ത ഹാസ്യം.

അജ്ഞതയുടെ  അഹങ്കാര മേലാപ്പുകളില്‍
ഇരുട്ടിന്‍റെ ലഹരിയില്‍ ഉപേക്ഷിക്കപ്പെടുന്ന
വൈരൂപ്യ ദര്‍ശനങ്ങള്‍.

ഓരോ പ്രകാശ മിടിപ്പുകളിലും
ബാക്കിയാകുന്ന അരൂപിയായ ഞാന്‍.





നിഴല്‍.

ഉച്ഛനീചത്വങ്ങളുടെ കണ്ണേറു കോലമാകാത്ത

ഒരേ ഒരു വാക്ക്.

വിക്ഷോഭത്തില്‍  ചിന്താശയങ്ങളില്‍ നിന്നും 

തെറിച്ചു വീഴുന്ന ഭാഷയുടെ വിസര്‍ജ്യം.

ജനിമൃതികളുടെ സാംസ്കാരിക പൈതൃകം 

ചോദ്യം ചെയ്യപ്പെടാനുള്ളതാണെന്ന്‌

ഓര്‍മപ്പെടുത്തുന്ന സമൂഹ ഘടികാരം.

തെറി.

SEASON

Clouds start chattering with the sky.
Lightning winks from the paradise.
A breeze soothes the earth.
Dreams wake up..
Sleep starts yelp n yonder..
Night puts on its luring darkness..
Tranquility transcends my thoughts..
And....
The Rain mesmerizes me with her seducing fondles..

വേതാളം.

അലസതയുടെ അകാശക്കീറില്‍ തൂങ്ങി
അനന്തമായ ഇരുട്ടിലേക്കും നോക്കി
മുഖം കോട്ടി ചിരിക്കുന്നുണ്ട്..
തല തിരിഞ്ഞ ആസക്തികളുടെ
സ്വേദം നുണയുന്നുണ്ട്..
ഇടത്തേക്കും വലത്തേക്കും
ഇരയിട്ട ചൂണ്ടയെറിഞ്ഞു
മാംസവേട്ട നടത്തുന്നുണ്ട്..
കുറെ ചോദ്യ ചിഹ്നങ്ങളില്‍ കോര്‍ത്ത്‌
എന്‍റെ ചിന്തകളില്‍ ചോര പൊടിയ്ക്കുന്നുണ്ട്..

അവന്‍.......... ..........................................

എന്‍റെ അപരന്‍.........

എന്നിലെ കറുത്ത ഞാന്‍..!!!!!.. !!!

നീ..
എന്‍റെ കറുപ്പിലെ വെളിച്ചത്തിന്‍റെ പൊട്ട്.
എന്‍റെ  ചിന്താശയങ്ങളിലെ ദഹന രസം.
വികാര സിരകളിലെ രക്തോര്‍ജ്ജ തുടിപ്പ്..

ഞാന്‍..
നിന്‍റെ  വന്യ വിഹാരത്തില്‍ താളം മറന്നവന്‍.
നിന്‍റെ  നിമ്നോന്നതങ്ങളില്‍ ആഴം അറിഞ്ഞവന്‍.
നിന്‍റെ  പരാദാര്‍ബുദാണുക്കളുടെ വേട്ടയില്‍
             മോക്ഷം തേടുന്നവന്‍........