നീ..
എന്‍റെ കറുപ്പിലെ വെളിച്ചത്തിന്‍റെ പൊട്ട്.
എന്‍റെ  ചിന്താശയങ്ങളിലെ ദഹന രസം.
വികാര സിരകളിലെ രക്തോര്‍ജ്ജ തുടിപ്പ്..

ഞാന്‍..
നിന്‍റെ  വന്യ വിഹാരത്തില്‍ താളം മറന്നവന്‍.
നിന്‍റെ  നിമ്നോന്നതങ്ങളില്‍ ആഴം അറിഞ്ഞവന്‍.
നിന്‍റെ  പരാദാര്‍ബുദാണുക്കളുടെ വേട്ടയില്‍
             മോക്ഷം തേടുന്നവന്‍........

-------------

അറിയുന്നില്ല എന്ന്
അറിയുന്നതാണ്
അറിവ്..

ആ അറിവിനെ
അറിയാതിരിക്കുന്നതാണ്
അറിവില്ലായ്മ..

അറിഞ്ഞവര്‍
പറയുന്നില്ല..
പറഞ്ഞവരോ..
അറിയുന്നുമില്ല..

.........

"നമ്മുടെ പ്രണയത്തിന്‍റെ  നിറമെന്താ??" അവള്‍ ചോദിച്ചു.
"പച്ച." അവന്‍ ചിരിച്ചു.
"നമുക്ക് രണ്ട് പച്ച മനുഷ്യരാകാം..വിശ്വ പ്രകൃതിയെ നമ്മുടെ പ്രണയത്തിന്‍റെ  പച്ചപ്പിലേക്ക് ആവാഹിക്കാം.."
ജീവന്‍റെ  ഓരോ ഹരിത കോശങ്ങളിലും പ്രകാശോര്‍ജ്ജം സൂക്ഷിച്ചു അവന്‍ അവളെ പുല്‍കി.
പ്രണയ സംശ്ലേഷണം കഴിഞ്ഞപ്പോള്‍ ഓജസ്സറ്റ അവളെ കുറെ കണ്ണാടി തുള്ളികളാക്കി അവന്‍ കുടഞ്ഞെറിഞ്ഞു.


"ചേമ്പില.."

തോറ്റവര്‍..

ചിലര്‍ അങ്ങനെയാണ്.

ചരിത്രത്തിന്‍റെ  ഇരുണ്ട അരികുകളിലൂടെ 

ശ്വാസത്തിന്‍റെ  നേര്‍ത്ത ഞരക്കം പോലും കേള്‍പ്പിക്കാതെ 

ഒരു കാല്പ്പാടും ശേഷിപ്പിക്കാതെ 

അവര്‍ നടന്നു പോകും..

സ്വന്തം നട്ടെല്ലൂരി ജയിച്ചവരുടെ പതാക തൂക്കും..

മേദസ്സായ ചിന്തകള്‍ ഉറുമ്പുകളെ ഭോഗിയ്ക്കും..

അലസതയുടെ ഏറുമാടങ്ങളില്‍ ലക്ഷ്യത്തെ വേട്ടയാടും.

അവര്‍ തോറ്റവര്‍ ആണ്.

തോറ്റു തോറ്റു 

ജനിമൃതികളില്‍ തലമുറകള്‍ പേറുന്ന 

പുഴുത്ത സ്വപ്‌നങ്ങള്‍ കാവലാകുന്നവര്‍..

പാട്ടത്തിനെടുത്ത ചിന്തകള്‍ കൊണ്ട് അരക്ഷിതരായവര്‍..

മഴയുടെ വിയര്‍പ്പില്‍ ഉപ്പു തേടുന്നവര്‍..

വേവുന്ന ചൂടില്‍ നിഴല്‍ത്തണലില്‍ ഒളിയ്ക്കുന്നവര്‍..

പട്ടിണിയില്‍ വിശപ്പിന്‍റെ  വിളവെടുക്കുന്നവര്‍..

ഇഹത്തിന്‍റെയും പരത്തിന്‍റെയും നേര്‍ ചേദ ഭൂരിപക്ഷം..

ഓര്‍ക്കുക..

അവരില്ലെങ്കില്‍ നിങ്ങളില്ല..

നിങ്ങളുടെ വിജയങ്ങളില്ല..             

.

VACUUM..

A deep silenced vacuum 

         engulfs my dilapidated thoughts..

Sordid Ego sows the seeds of barrenness..

Sea of Life is turbulent..

Arena of life is intimidating..

Excuses are kept afresh and alive..

Journey and Destination become uncertain concepts..

Journey and Destination become conceited concepts.. 

ആശുപത്രി..

കൊക്കിച്ചുമച്ചും കാര്‍ക്കിച്ചും

ജീവിതം തുപ്പുന്ന പുതിയ ക്ഷയ രോഗികള്‍..

വിറച്ചും വിറങ്ങലിച്ചും 

മരണം പുതയ്ക്കുന്ന  പുതിയ പനി വാര്‍ഡുകള്‍..

വികാരങ്ങളില്‍ വാജിതൈലം പുരട്ടി 

ആസക്തിക്കുതിപ്പിനായി ചിനയ്ക്കുന്ന 

പുതിയ (പഴയ?) പടക്കുതിരകള്‍..

വിശുദ്ധിയുടെ നേര്‍ത്ത ചര്‍മം 

കീറിപ്പറിഞ്ഞ പാവാടക്കിനാവുകള്‍.. 

കാഴ്ചയില്‍ തിമിരം പരത്തുന്ന 

പ്രതികരണ കണ്ണുകള്‍..  

പണ്ടു പണ്ട്..

ചുറ്റി ചുഴറ്റി  കാറ്റ് ഇങ്ങെത്തിയപ്പോള്‍  

അവന്‍റെ  ശരീരത്തിന്റെ  ഓരം ചേര്‍ത്ത് വിറയ്ക്കാതെ 

അവന്‍ അവളെ കാത്തു..

ചിതറിത്തെറിച്ചു മഴ വന്നലച്ചപ്പോള്‍ 

അവള്‍ ഏതോ പച്ചില കാമുകന്‍റെ  ഒപ്പം 

moonwalk  നു പോയതായിരുന്നു..

ഇപ്പോഴത്തെ കരിയിലകള്‍ അല്ലെങ്കിലും ഇങ്ങനെ തന്നെ ആണ് 

എന്ന് പരിതപിച്ച് മണ്ണാംകട്ട മഴയുടെ ശ്രുതിയില്‍ 

ഭുമിയുടെ രാഗമായി..               

missing..

സ്വപ്നത്തില്‍ സ്ഖലിച്ചത്

ഏത് മുന്നറിവിന്‍റെ മൃത കോശങ്ങളാണ്?

കാഴ്ചയില്‍ ഉരുകി ഒലിച്ചത്

ഏത് ഭാവിയുടെ വരണ്ട  നിറങ്ങളാണ്?

എന്‍റെ യാത്രകളില്‍ ഞാന്‍ എന്നെ തിരയുന്നു..            

Escapism..

ഓരോ കുമ്പസാരവും ഓരോ രക്ഷപെടലാണ്..

ഉത്തരവാദിത്വത്തിന്‍റെ കണ്ണികളില്‍ തുരുമ്പുരുമ്മുമ്പോള്‍..

അലസതയിലേക്കുള്ള സ്വപ്നാടനങ്ങള്‍ തുടരുമ്പോള്‍..

അസ്ഥിക്കുള്ളിലെ കൊഴുപ്പില്‍ കാമം ചികഞ്ഞു കൊത്തുമ്പോള്‍..

വിയര്‍ത്തും വിസര്‍ജ്ജിച്ചും സമയത്തിന്‍റെ ഭ്രമണം നീളുമ്പോള്‍..

ഞാന്‍ കുമ്പസാരിക്കാറുണ്ട്..

കുമ്പസാരിച്ചു രക്ഷപ്പെടാറുണ്ട്..

ഉള്ളിലെ കറുത്ത നിറമുള്ള നിസംഗതയിലേക്ക്‌..

നിശ്ചലമായ ചിന്തകളുടെ തടാകപ്പരപ്പിലേക്ക്.. 

ഉറഞ്ഞു കിടക്കുന്ന ഭയത്തിന്‍റെ താഴ്വരയിലേക്ക്..

ഈ രക്ഷപ്പെടലില്‍ നിന്നും രക്ഷപ്പെടണം എനിക്കിനി..  

   

Tao

I possess a 'mine' in me..
With unaspired bombs and
Wild carcasses of vision..

I breathe inside my perversive cyst..
The unrelenting siesta spites me..

The enigma of life yet to be unwound..
The Tao of life yet to be manifested..

Ego..

Promises remain unfulfilled..
Loving bonds of relations twist my breath..

I  love only  the deep inside " I "..
The ego less world  I  proclaim ridicules me..

in..

restlessness rests on the palms of my thoughts..

stagnated desires though placid keep me frozen..

masks of time stare..decisions become futile..

waiting for nothing creates illusions..

ജനിതകം..

വീര്‍ത്ത തലകളില്‍ കീടനാശിനി 

ചുംബിച്ച നിര്‍വീര്യമായ ചിന്തകള്‍..

പേറ്റന്‍റ് ഇല്ലാത്ത  ജീവിതം വലിച്ചു പറിച്ചെടുത്ത 

നാവില്‍ കിനിഞ്ഞത് ഹരിത വിപ്ലവത്തിന്‍റെ  

ഉമിനീരോലിപ്പിക്കുന്ന  രസ മുകുളങ്ങള്‍..

അനന്തതയില്‍ സര്‍വ വ്യാപിയുടെ 

എന്‍ഡോസള്‍ഫാന്‍ ചിരി..       

നീ..

നീ കടല്‍..

എന്‍റെ പ്രണയത്തിനു ദിക്കു തെറ്റുന്നു..

നീ വെയില്‍..

എന്‍റെ രാശികള്‍ക്ക് ചുട്ടു പൊള്ളുന്നു..

നീ മഴ..

എന്‍റെ സംവേദങ്ങളില്‍ സൂചി കുത്തുന്നു..

നീ കാറ്റ്..

എന്‍റെ പാപ പരാഗങ്ങള്‍ നിന്നില്‍ അലിയുന്നു..          

അടയാളം..

ഓരോ മഴതുള്ളി ചാറലിലും

തൊണ്ട പൊട്ടി കരഞ്ഞ കുറെ പെണ്‍ കണ്ണീര്‍ പ്രകൃതിയുണ്ട്..

ഓരോ കല്ല്‌ നടപ്പാതകളിലും 

കറുത്ത ചരിത്രത്തിന്‍റെ   കുരുതി കളങ്ങളായ ജനപഥങ്ങളുണ്ട്..
ഓരോ ശ്വാസ നിശ്വാസങ്ങളിലും
ഇരുമ്പ് ബൂട്ടുകളില്‍ ചതഞ്ഞരഞ്ഞ നെടുവീര്‍പുകള്‍ ഉണ്ട്..
ഓരോ നിമിഷാര്‍ദ്ധ  ഋതുക്കളിലും
തണുത്തുറഞ്ഞ ഓര്‍മകളുടെ പൂര്‍ണ വിരാമങ്ങള്‍ ഉണ്ട്..

ഏത് സ്മൃതി ഭ്രംശം ശേഷിപ്പിച്ച അടയാളമാണ് ഞാന്‍???              

RED STREET

വ്യഭിചരിക്കപ്പെട്ട ചിന്തകളില്‍ 

വെന്തു പാകമായ മനുഷ്യ മാംസ തെരുവ്..

പുകയിലക്കറ പുരണ്ട ദര്‍ശനം..

ശരീരത്തിന്‍റെ   ഊഷ്മാവില്‍ 

ശിശിരം മറക്കുന്ന അദ്ധ്യാത്മികത..

കടുത്ത നിറം പൂശിയ പാതവക്കുകളില്‍ 

സ്വപ്നം മുരടിച്ച അശ്ലീല ചിരി..      

കല്പാന്തകാലത്തോളം..

പ്രണയ പാരവശ്യത്തിലാണ് അവന്‍ അവളെ സുഖ സ്വര്‍ഗങ്ങളുടെ പാതയോരത്ത് കൂടി
മരണത്തിന്‍റെ   മൂര്‍ത്തതയിലേക്ക് നയിച്ചത്.
നീതിയുടെ കാവലാളന്മാരുടെ കണ്ണുകളുടെ സ്ഥാനത്ത്  അവന്‍റെ   കരുണാ കടാക്ഷത്തിന്‍റെ  ഇന്ദ്രനീല ഗോളങ്ങള്‍..
കല്പാന്തത്തോളം പ്രണയത്തിനും കണ്ണുകള്‍ ഉണ്ടാകുകയില്ലല്ലോ..

ഉള്ളില്‍ ഉള്ളത്..

കാമക്കരടികള്‍ കടിപിടി കൂടും വലിയൊരു കാട്
അറിവിന്‍ കുറവില്‍ അലസത പൂണ്ടൊരു മടിയന്‍ കൂട്..

പ്രപഞ്ച സത്യം ഒളിച്ചിരിക്കും മഹാകുടീരം..
ചിതലും പൊടിയും മറച്ചിരിക്കുകയാണീ സത്യം..

ചിദഗ്നികുണ്ഡം ആലസ്യത്താല്‍ ജ്വാലാ രഹിതം..
വിഷയാസക്തികള്‍ തേര് തെളിക്കും അടരാല്‍ മുദിതം..

അറിവിന്‍ സുര്യന്‍ ഉദിച്ചു പൊങ്ങാന്‍ മടി കാണിപ്പൂ..
നിറവിന്‍ പുഞ്ചിരി പൊഴിഞ്ഞിറങ്ങാന്‍ മടി കാണിപ്പൂ..      

confusion..

നാലും കൂടിയ ജീവിത junction ല്‍
കാലും പൊള്ളി കഴലുകള്‍ പൊട്ടി..
പലവഴി പോയി തോറ്റു മടങ്ങി
കാലേ കൂട്ടിയ planning തെറ്റി..

ഒരു വഴി പോയാല്‍ ജീവിത വേവ്
മറുവഴി പോയാല്‍ കാമക്കുളിര്..
ഇതിലൊരു വഴിയാണെന്‍റെ  വഴി..
ആ വഴിയേതാണെന്‍റെ  വഴി??