നിഴലുകളില്ലാത്ത നിനക്ക് തരാൻ വെളിച്ചം കൊണ്ടൊരു വീടുണ്ടാക്കണം.
വഴികൾ തെളിയാത്ത അതിലേക്ക് പോകാൻ സ്വപ്നം പകുത്തൊരു വഴി വെട്ടണം.

ഉള്ളിൽ ഉഷ്ണം കരളു പൊള്ളിക്കുമ്പോൾ മഴ കൊണ്ടൊരു മേലാപ്പ് തീർക്കണം.
ചിതലു കുത്തുന്ന നിമിഷങ്ങൾ കാക്കാൻ പച്ചിരുമ്പ് കൊണ്ടൊരു വാതിലും വേണം.

ഒടുവിൽ നിന്റെ പ്രണയം തീണ്ടി നീലിച്ച തുളസിയ്ക്ക് ചാർത്താൻ എന്റെ അസ്ഥികൾ കൊണ്ടൊരു തറക്കാവൽ പണിയണം.